काठमाडौं, अषाढ २३ – राष्ट्रपति रामवरण यादवले सहमतिको सरकार बनाउने म्याद पाँच दिन थप गरेका छन् । संविधानसभामा प्रतिनिधित्व गर्ने २५ वटै दलले आग्रह गरेपछि राष्ट्रपतिले बुधबार साँझ पाँच दिन म्याद थप गरेका हुन् ।

राष्ट्रपति यादवले पाँच दिनभित्र सहमतिको सरकार बनाउन दलहरु सक्षम हुने विश्वास व्यक्त गरेको राष्ट्रपतिका प्रेस सल्लाहकार राजेन्द्र दाहालले nepaliface.com लाई बताए । संविधान सभामा प्रतिनिधित्व गर्ने २५ दलको आग्रहमा राष्ट्रपतिले असार २८ सम्मको समय दिएका हुन् ।

म्याद थपका लागि राष्ट्रपतिलाई आग्रह गर्न प्रमुख तथा साना दलका नेताहरु बुधबार साँझ राष्ट्रपति कार्यालय शितल निवासमा पुगेका थिए । एमाले अध्यक्ष झलनाथ खनाल, कांग्रेस संसदीय दलका नेता रामचन्द्र पौडेल, माओवादी उपाध्यक्ष नारायणकाजी श्रेष्ठ, कानुन मन्त्री प्रेमबहादुर सिंह र दलित जनजाति पार्टीका सभासद् विश्वेन्द्र पासवान राष्ट्रपति निवास पुगेका थिए । उनीहरुले समय थप्नका लागि २५ दलको बैठकको माइन्यूट सहित लिखित आग्रह गरेका थिए ।

राष्ट्रपति कार्यालयले दलहरुबाट लिखित अनुरोध आएकाले २८ गते सम्मको अवधि थप गरिएको जनाएको छ ।  बुधबार बिहान बसेको प्रमुख तीन दल तथा साँझ बसेको संविधानसभाका २५ दलको बैठकले राष्ट्रपति यादवले गरेको आहृवान पुनः पाँच दिन थप गर्न माग गर्ने निर्णय गरेको थियो ।

माओवादी, कांग्रेस र एमालेको बिहान बसेको बैठकले गृहकार्य नपुगेको भन्दै बहुमतीय सरकार गठनका लागि पाँच दिन समय थप गर्ने बिषयमा २५ बटै दलसँग छलफल गर्ने निर्णय गरेको थियो ।

गत असार १६ गते बुधबार प्रधानमन्त्री माधवकुमार नेपालले राजीनामा दिएपछि बिहीबार राष्ट्रपति यादवले अन्तरिम संविधानको धारा ३८(१) बमोजिम सात दिनभित्र राष्ट्रिय सहमतिको आधारमा सरकार गठन गर्न व्यवस्थापिका संसदमा प्रतिनिधित्व गर्ने दलहरूलाई आहृवान गरेका थिए ।

चितवन (रत्ननगर), जेठ २७- ‘चार्ज’ भइरहेको मोबाइलमा फोन उठाउन खोज्दा भरतपुरमा बिहीबार एक युवकको करेन्ट लागेर मृत्यु भएको छ। सुरेन्द्र वर्कशप पोखरा बसपार्कमा काम गर्दै आएका कुमरोज– १ का २५ वर्षीय माइला विकको करेन्ट लागेर ज्यान गएको हो। करेन्ट लागेर गम्भीर भएका विकको उपचारका लागि चितवन शिक्षण अस्पताल लैजाँदा बाटोमै मृत्यु भएको चितवन प्रहरीले जनाएको [...]

२७ जेठ, काठमाडौं । नेकपा एमालेका अध्यक्ष झलनाथ खनाल राजधानीमा विहीबार आयोजित सार्बजनिक कार्यक्रममा लडेर घाइते हुनुभएको छ । काठमाडौंको नयाँबजारस्थित पिपल्स डेन्टल अस्पतालका प्रमुख संस्थापक स्वर्गीय तिर्थरत्न बज्राचार्यको सातौं पुण्यतिथीको अवसरमा आयोजित कार्यक्रममा प्रमुख अतिथि रहेका खनाल बज्राचार्यको शालिकमा माल्यार्पण गर्ने क्रममा मन्चमा रहेको प्वालमा खुट्टा छिरेपछि लडेर घाइते हुनुभएको हो ।
उहाँको खुट्टामा चोट [...]

२० जेठ, काठमाण्डौ । एकीकृत नेकपा माओवादीका अध्यक्ष प्रचण्डले जेष्ठ १४ गतेको तीन बुँदे सहमतिको मर्म र भावनामाथि नेपाली कांग्रेस र एमालेबाट गम्भीर कुठराघात भएको आरोप लगाउनुभएको छ । पार्टी मुख्यालय पेरिस डाँडामा विहीबार बसेको स्थायी समितिको बैठकपछि अध्यक्ष प्रचण्डले विज्ञप्ती जारी गरेर सहमतिको अभावमा अवरुद्ध संविधान र शान्ति निर्माण प्रक्रियालाई सहमतिका आधारमा अगाडि बढाउने [...]

राप्रपा नेपालका अध्यक्ष कमल थापाले जेठ १४ गतेसम्म संविधान जारी हुन नसके निर्वाचनमा जानुबाहेक देशमा अरु कुनै वैधानिक विकल्प बाँकी नरहने बताएका छन्। उनले भने- संविधान पनि नबन्ने र निर्वाचनमा पनि नजाने हो भने जेठ १४ पछि मुलुक उग्रवामपन्थी सर्वसत्तावाद वा प्रजातन्त्रको आवरणमा नयाँ अधिनायकवादमा फस्छ।
पार्टीको मध्यपश्चिमाञ्चल क्षेत्रीय सम्मलेनको बुधबार नेपालगन्जमा उदघाटन गर्दै थापाले संविधानसभाको [...]

नेपालीफेस संवाददाता, फागुन ३
व्यापारीक प्रयोजनको लागी पोखरामा भित्र्याइएको एउटा अनियन्त्रित भैँसीको आक्रमणबाट आज साँझ करीब साढे सात बजेतिर पोखरा उपमहानगरपालिका वडा नं. १ बागबजारमा दुइजना गम्भिर घाइते भएका छन् भने पिडक भैँसीलाइ स्थानिय युवाहरुद्धारा मारीएको छ । घाइतेहरु मध्ये एक धादिङ घरभइ बागबजारमा डेरा गरी बस्ने ५१ वर्षिय कामी लामाको बागबजार स्थित काफ्ले मेडिकल [...]

एमालेको युथफोर्सका कार्यकर्ताले एकीकृत नेकपा माओवादी जिल्ला कमिटी धनकुटा र अन्य जनवर्गिय संगठनको कार्यालय आज विहान तोडफोड र आगजानी गरेका छन। युथफोर्सले सिधुवा बजार क्षेत्रको १२ वटा माओवादी कार्याकर्ताको घरमा तालाबन्दी गरेका छन । सोमबार राती धनकुटाकै सिधुवा बजारमा युथफोर्सका कार्यकर्ता चढेको ९ वटा मोटरसाईकल र एउटा भ्यानमा माओवादीका कार्यकर्ताले आगजानी गरेपछि मंगलबार बिहानैदेखि धनकुटाबजारमा [...]

काठमाडौं। सञ्चारमन्त्री शंकर पोखरेलले राजतन्त्रको अन्त्य गरी गणतन्त्र ल्याउनुमा माओवादीको कुनै भुमिका नरहेको बताएका छन्। एबिसि न्युजका अनुसार
प्रेस चौतारी बाँकेले मंगलबार नेपालगञ्जमा गरेको पत्रकार भेटघाटमा मन्त्री पोखरेलले माओवादीले हतियार बिसाएर शान्ति प्रकृयामा आएपछि मात्र राजतन्त्रको अन्त्य भएको बताए। मन्त्री पोखरेलले प्रधानसेनापति प्रकरणमा राष्ट्रपति गलत नभएको बरु एकीकृत नेकपा माओवादीका अध्यक्ष पुष्पकमल दाहाल ‘प्रचण्ड’ को [...]

राजनीतिक सहमतिका लागि आफ्ना माग पुरा गर्न कात्तिक १५ गतेको अल्टीमेटम दिएको एकीकृत नेकपा माओवादीले आन्दोलनका कार्यक्रम तय गरेको छ । राजधानीमा बसेको माओवादीको राष्ट्रिय जनआन्दोलन समितिको सचिवालय वैठकले आन्दोलनका कार्यक्रम तय गरेको हो ।
मंगलबार बिहान बसेको पदाधिकारीहरूको बैठकले आन्दोलनका कार्यक्रमहरू तय गरेको र राष्ट्रिय जनआन्दोलन समितिको बैठकले यसलाइ अन्तिम रूप दिने माओवादी अध्यक्ष पुष्पकमल [...]